Ein knapp her og ein knapp der...

Eg har fått ein ny knapp på sida mi. Ein "likar" -knapp for late folk. Plutselig ein dag var den der, heilt av seg sjølv. Men ingen brukar den. Det betyr kanskje at ingen likar det eg har skrive? De treng ikkje like alt eg skriv. Eg ville gjerne hatt meiningsutveksling og. Då hadde det blitt fart her...

Dette var ein knapp i farne tider.

Men det er også mogleg å hake av at innlegget er: morsomt, interessant og kult. Dessverre fins det ingen rubrikk for kjedelig.  Men dersom de likar det eg skriv, kan de kanskje klikke på den ruta som ser omtrent slik ut:  (+1)

Det er ikkje alltid lett å finne fram til korleis ein skal gjere. Andre er så avanserte at dei les både aviser og mange bloggar kvar dag. Då har dei ikkje så god tid. Derfor fins det slike knappar med meiningar på. Med eit klikk har ein sosialisert, og gitt uttrykk for ei meining om det dei nettopp las.

Så er det ein annan ting eg undrast på; Eg har mellom 150 og 200 lesarar kvar dag, men kun 7 som følger bloggen. Då lurer eg på om det er 150 nye kvar einaste dag? Eller har bloggen min "Se og Hør " status?  Off då, fri og bevare meg, men underleg er det...

Så sit eg her og undrast....
Andre bloggar har fleire hundre følgerar. Nå er nå ikkje me i Ryfylke som andre folk. Det er bra at ikkje alle følgjer straumen. Men det kunne nå vore gildt å sjå kven mottakarane av meiningane mine er.  Vil de følge bloggen kan de klikke på : "følg"- ruta.

Denne knappen fjerner det meste, også det me vil ha.

Eg veit at ein av mottakarane mine har tatt årets første utebad. Det har ikkje eg gjort ennå. I april var det fint, men i mitt hovud var det for tidleg.  Nå har det regna så mykje, og eg har fyrt litt i omnen kvar morgon. Så eg er heil ute av bademodus. Det var godt at du, Marit, gjorde meg merksam på at det eigentleg er sommar!

Slik skal det vere ein sommarsdag.

For dei faste leserane mine kan sei at eg i løpet av helga skal ha eit ganske interessant og overraskande innlegg. Vent og sjå... og gled dykk!  Eg trur mest det blir den største nyhenda i småskala...

Dagens kviss: Kor likar hiimarane å bada?

Kjipt hybelliv i Bergen

Livet er for kjipt! Akkurat slik er det for dotter nummer to for tida. Livet i Bergen er for kjipt, og det regner hele året!

Ho hadde fin hybel i bufellesskap med fleire andre. Sentralt og med god nok standard. Der ville ho bu ut studietida. Så var det tid for praksis. Ho får avtale om framleige.  Glad og nøgd vendar ho nasen mot Haugesund for å ta eit halvår praksis.

Så, eit par veker før praksistida er over, og mindre enn ein månad til eksamen får ho dårleg nytt. Dei er blitt kasta ut! Tinga hennar er flytta ein eller annan stad. Litt nedrulla ringer ho mamsen og klagar seg. Løvemor blir arg, men beskjeden kom for seint.

Det viste seg at eigaren døydde. Det var trist, men fekk store følger for studentane, for arvingane selde huset.  Dei nye eigarane ville ikkje leige ut.  Dei kutta stramen så all mat i kjøleskapet vart øydelagt.  Då dei klaga, fekk dei beskjed at riverane kjem NÅ!  "De må ut."  "Me skal skaffe dykk ein midlertidig plass til skulen er slutt."  Dei som tok det tilbodet er stua inn på den nye midlertidige staden.  Men der er ingen plass til dotter nummer to.

Då lurer eg på ein ting: Kor er den nye husleigelova?  Den lova som skulle beskytte leigetakerane mot slike overtramp.  Eg hugsar når lova vart sett ut i livet.  Det stod om det i avisene.  Huseigararne ville ikkje leige ut, for: "Dei ville aldri blir kvitt leigebuarane om dei ville ha dei ut," klaga dei.
Så skjer dette....

Hybellivet kan vere kjipt av og til. Iallefall når det regner heile året og ein er på hybeljakt midt i eksamenstida..

Om det er nokon gilde bergenserar som les dette, så har eg ei, snart ferdig, apotekarinne som treng hybel eit år frå NÅ, og eit år fram i tid.  Helst nær Haukeland sjukehus, eller sentrum.

 

Apotekar anno 1508

Dagen kviss: Kva tittel kan ein apotekar smykke seg med?

Tante Anny

Tante Anny blir 75 år. Tante Anny er eigentlig ei filletante, men kunne ikkje har vore noko betre tante. Vår kjære tante er eit fyrverkeri. Me treng ikkje sei meir. Eit stort og varmt hjarta som omsluttar alle tanteungar og grandtanteungar.

Ho kom til Sand som ung mørkhåra skjønnhet og fordreidde hovudet til onkelen min. For å gjere inntrykk på henne måtte han imponere stort, og det gjorde han. Eit kyss med ein straumpuls på ca 10 tusen volt gjorde susen. Ør av ein straumande kjærleik blei ho verande på Sand.

I nokre år seilte dei sin eigen sjø, verda rundt fleire gonger, før dei slo seg til på Trollhammaren på Hiim. Der hadde eg min eigen plass midt i senga deira, og min eigen nattkjole.  Der var det godt å koma når konkurransen i heimen vart for stor. Mange gode minner har me  derifrå.

St. Hansnatt på Pyttaberget

Tante Anny er heilt skutt. Grandniesa traff henne.

Tante Anny i onkel Tor sin 80 års dag.

Feiring i Prestaåsen.  

Her feirar me tante Valborg sin 80 års dag på Vasstøl.  Det regna heile helga, men det la ingen dempar på festhumøret vårt. God drøs i godt lag gjer godt!

                                                  På ferie i Bulgaria.

Eg har reist mykje med onkel tor og tante Anny. Den første turen eg tok i lag med dei var turen Stord, Bergen, Oslo, Stavanger og heim. Eg var 6 år, og fekk vera unge åleine med dei, og eg storkosa meg. Me tog båt, buss, tog og trikk. Eg såg slottet for første gong.  

Me besøkte slekt alle stadar. Og eg nytte luksusen å vere einebarn.

Kva tid me kan, finn me eit høve til å feire, og kose oss i lag.  På lordag blir det feiring igjen. Tante Anny, me gledar oss.

Tante Anny nyttar tida. Ho har eit drøss med ungar å spøte til, så pinnane får ikkje liggje lenge i ro. No er det grand-nieser og nevøar som får gleda av heimespøta klær.

Julefeiring på Hiim.  Me har tatt inn det me skal ha. Så, står Gardvoren for tur.

Eit rose til deg, tante Anny, frå meg!

Dagens kviss: Kor er Tante Anny fødd?

Look to finland

Finland, landet med ein av dei vanskelegaste grammatikkane, har opplæring i og på kinesisk. Her til lands slit me med å gi døve med teiknspråk som førstespråk, opplæring i- og på teiknspråk. For ikkje å snakke om å la framandspråklige ungar få skikkeleg, og rask opplæring i norsk. Kvifor er me ikkje like gode som Finland?

Norsk, med ein enkel grammatikk, er eit etter måten lett språk. Me kunne brukt denne tida på å lære andre språk. Likevel lærer me ikkje meir enn kanskje to språk i løpet av 10 år.  Den beste tida å lære språk, er frå babystadiet, og fram til ca 13 år. Så me nyttar den dårleg.

Ein høgrepolitikar i Oslo har sett det same innslaget eg såg på TV, og han vil gjere noko med det. Han vil innføre den finske modellen i osloskulane.

La oss dusje ungane i språk

Kvifor ikkje ha slike ambisjonar her også?  Eg meiner ikkje me treng lære oss kinesisk. Kva språk nå det er. Så ambisiøse treng me ikkje vere. Men kva med å tenkje på kva språk som blir snakka i kommunen vår?  Her har me folk frå mange nasjonar. Av dei som bur her er det sikkert fleire som har kvalifikasjonar til å drive opplæring i sitt språk.

Symbolspråk.

Me kunne hatt vår eigen suldalsmodell, som seinare lærarane kunne reist rundt med ,og halda føredrag om på andre skular, og barnehagar;  "Leik og lær!"

Kva med å hanke våre nye sambygdingar inn i barnehagen?  Rim og regler, og eventyr og songar, på eit språk som ungar som går i den aktuelle barnehagen brukar?  Slik får dei føle seg som ein ressurs.

I skulen kunne ein hatt det inn i modular lik den som foreldra til døve får i si teiknspråkopplæring.

Eg syns eg har ein knallgod ide. Kva syns de?

Dette er også eit spanande språk å lære. Du får garantert bruk for det.

Dagens kviss: Kva språk lærer ungane i Finland når det blir sagt at dei lærer kinesisk?

Mjølkemafia

Amishfolket i Amerika driv jordbruk etter gamal metode. Dei driv frå ei tid før pasteuriseringa og homogeniseringa var oppfunne. Dei får lov å selge mjølk til folk som kjem til garden for å kjøpe.

I Amerika vert upasteurisert og ikkje- homogenisert mjølk kalla rå-mjølk. Det er ikkje det same som me kallar råmjølk. Då dei snakkar om "Raw milk" meiner dei tankmjølk, eller nysilt mjølk.

Amishbonden, Allgyer, gjekk i fjoset som vanleg klokka halv fem. Han undra seg over at det kom mange bilar køyrande. Det viste seg å vere agentar frå mattilsynet og lekjarmiddelbyrået, og politiet. Dei skulle ha mjølkerassia hjå bonden. Denne rassiaen var resulatet av meir enn eit års spaning på det dei omtala som mjølkemafiaen.

Slik gjer Amishane det.

Her er det farlege produktet.

Du har lov å drikke denne mjølka, i nokre delstatar kan du kjøpe den også. Kjøp og salg føreår i kjøpeklubbar. Men salg på tvers av delstatar er ulovleg. Bonden Allgyer i Pennsylvania vart arrestert for å ha seld mjølk i klubbar i Maryland.

Sidan USA er grunna på fridom, vart det raskt demonstrasjonar mot arrestasjonen. Høgdepunktet i demonstrasjonen var kumjølking med påfølgende mjølkedrikking.

No blir det rettsak.  Samstundes lanserer presidentkandidaten, Ron Paul, (republikaner) eit lovforslag om å tillate sal av upastereurisert mjølk. Kanskje me høyrer meir frå han framover.

- "Amerikanerane har rett til å innta desse produkta, uten at myndigheitene skal overstyre deira vurdering av kva som er sunt" seier Ron Paul.

Kvitmuggost frå finnskogen.

Kansksje dette er noko å tenkje på i Noreg. Våre gamle ostar var upasteuriserte. Så var det forbudt i mange år. Nå kan me heldigvis kjøpe slik velsmakande ostar att i Noreg. Du verda, så godt dei smakar!  Vil du ha tankmjølk, kan du oppsøkje ein bonde og kjøpe der, men du kan ikkje kjøpe den i butikkar.

Bonden med budeia si ein dag i 1981

Ubehandla mjølk kan ha i seg farlege bakteriar, men dersom mjølking føregår i reinslige fjos, er det liten fare. Mange meiner det er ei mykje betre og sunnare mjølk. Det er mennesker som ikkje tåler å drikke pasteurisert mjølk, men dei kan tåle upasteurisert, altså tankmjølk. Andre meiner at homogeniseringa er like farleg, og at etter at ein byrja å homogenisere mjølka, har folk fått hyppigare slag og hjarteinfarkt.

Desse sel upasteurisert mjølk, mjølk med kjærleik:
http://translate.google.no/translate?hl=no&langpair=en|no&u=http://handmilking.com/

Dagens kviss: Kva utdanning hadde Louis Pasteur?

Amnesty i 50 år!

Amnesty International er 50 år. Me feirar dei med eit lys på kaka. Det starta med eit brev frå ein enkelt mann, og vaks til denne store internasjonale organisasjonen.  Bak det omfattande arbeider dei gjer, ligg det 50 år hardt arbeid. Dei starta med å jobbe for å fri samvetsfangar, og mot tortur under den kalde krigen.

Motsetninga var stor mellom aust og vest, så Amnesty stod klart på at dei var nøytrale. Seinare kjempa dei mot dødsstraff, før dei utvida til å jobbe mot kvinnevold, og kampen mot fattigdom.

Peter Benenson var årska til at Amnesty såg lyset for over 50 år sidan.

 I 1977 fekk Amnesty International Nobels fredspris, og i 1978 fekk dei FN sin menneskerettspris.

28. mai feira dei dagen sin.  Amnesty har medlemmer i 150 land ,  og har 3 millionar  aktivistar. 300 etterforskarar er heile tida på vakt mot menneskerettsbrot. Og godt er det, for det trengs.

       Generalsekretær i jubileumsåret: John Peder Egenæs. Han håper å vere overflødig når foreningen fyller 100 år.

Dessverre trengs Amnesty International framleis. Sjølv om dei har gjort ein god jobb gjennom 50 år, ser me at dei må jobbe lenge ennå. Det er berre å sjå til Syria, Tunis, Egypt og Libya.

Framleis har to av tre ikkje rettferd i livet sitt.; Overgrep, fattigdom og diskriminering er utbredt. Å leve utan frykt, er ein draum for mange.

Gratulerer med vel overstått dag, og  lukke til med arbeidet framover!
              Eg seier med engelskmannen : "Keep up the good work!"

http://www.amnesty.no/

Ryfylkedagane er her!

I dag er hovuddagen for Ryfylkedagane.  Ein festival på Sand som har vore årviss i ca 15 år. Festivalen starta alt på onsdag då Heidrun hadde rekeaften og levande musikk. 
Torsdag var det tur til Hellandsnuten for dei spreke, i regi av Sand IL.  Det var også klassisk konsert på Kulturhuset.

Fredag var det utstillingsopning av "Det gode liv",  på Ryfylkemuseet. Samstundes var det forteljarstund i "Kvitebjørnen". Det var danseoppvisning, og nattkino på Kulturhuset.

Ryfylkedagane er ein gild dag der folk treffes, drøsar og handlar. Gata yrar av liv. Folk kjem heim for å treffe andre sandbuar.  Det tek som regel 4 timar å gå frå den eine enden av Gata, til den andre. Det er så mykje å sjå, og så mange folk å prate med. Når sola skin finns det ikkje kjekkare stad. I regn blir det litt mindre fart, men folk kjem likevel.

Gakk gakk. Klar, ferdig, gå!

Ta sjangsen, og andaløpet er dei store trekkplastra. Vinn du andaløpet, får du handle for ei formue i løpet av ein time. Overskotet går til ein frivillig organisajon i kommunen.

Ikkje gløym å ta lodd på Steggjen. Det er flotte suldølar som driv ideelt arbeid. Og vinn du der, får du 6 menn i 6 timar som du kan bruka til mest kva du vil!

Sand KFF sel deg allslags du ikkje visste du trong.

Kvinne og familieforbundet har sitt årvisse loppemarknad. Her kan du gjere eit kupp.

Du må også hugse å gå innom Suldal sogelag si stand. Der steiker dei kaker på takke, og viser film. Bøker kan du og kjøpe.

Nytt i år er kalvamønstring. Eg veit om nokre grand-nevøar og nieser som er veldig spente på kalvane sine, og om akkurat deira når opp.

Åshild Vetrhus syng gamle gravferdssalmer som  får oss til å gyse av nytelse og skrekk.

I dag er det også storaurefestival på Nes, og i Suldal er det konsert med Åshild Vetrhus og co i Suldals kyrkja med gravferdssalmer.


Har de ikkje fått nok, så er det moglegheit for meir på Søndag. Då er det grilldag på Nes. Kino i Kulturhuset, og gravferdssalmer i Erfjordskyrkja. Heidrun serverer pizzabord.  "Masse pizza for ein billig penge."

Gakk avstad og kos deg på strandstaden.

Her er programmet for Ryfylkedagane:
http://www.suldal-turistkontor.no/doc/334_Program_2011.pdf

Her står det smått og stort om årets Ryfylkedagar og andre hendingar:
http://www.suldal-turistkontor.no/index.php?Lang=NO&ID=0

Tenk fint om bonden vår!

Årets jordbruksoppgjer er i hamn. Hamn og hamn.  Det kan vel diskuterast kva hamn dei kom, men ferdighandsama er den. Småbrukarlaget braut forhandlingane, mens bondelaget signerte. Fleire medlemmer melde seg ut or bondelaget i protest.

På 70- talet skulle bonden ha ei inntekt tilsvarande ein industriarbeidar. Kva skjedde? Nå slit dei med å ikkje gå i minus etter utgiftene er betalt.

Eg hugsar det slik at Gro Harlem Brundtland kom som ei Åsgårsrei inn i politikken, ville ha oss med i EF,  (nå EU) og meinte me kunne kjøpe mat frå det fantastiske EF. Tidene skulle bli betre.  Me kunne gjere anna enn å drive jordbruk. Me kunne jobbe i oljå istaden. Bøndene skulle drive med andre nisjer, som til dømes turisme. Dei kunne stå i bunad og veifte med flag. Maten var billigare å kjøpe enn å produsere sjølv.

Gardsturisme

No gror utmarka att, slik at Tarald turist slit med å brøyte seg veg inn i marka iført sine designklede. Bøndene sluttar å produsere mjølk. Snart sluttar dei å produsere mat også. Kva skal me då gjere?  Tenk på dette neste gong du kjøper velsmakande kortreiste jordbær frå Jelsa. Alternativet er importerte jordbær som smakar vatn .

På Finnøy sette ein bonde fyr på traktoren sin i protest mot det ringe oppgjeret. Han sette fyr på sin Massey Fergusson.  Det var ein god traktor, og fullt brukande, men som han sa, bonden: ein kan ikkje drive landbruk med ein 50 år gammal traktor.

Tenk nå over det, godtfolk, at det er ikkje sjølvsagt å få varer frå utlandet.  Minnet vårt er ikkje det det eingong var, men hugsar de ifjor då oska frå Island stogga alt?  No er det på an igjen...

Hugsar de Tsjernobyl i 1986  Etter det slutta kornkammeret i kviterussland og Ukraina å fungere. Noreg fekk også føle dette. Ennå er ikkje halveringstida for nedfallet over. No er det Japan sin tur. Dei kjem til å måtte handle mat, ikkje selge.
Kva hjelper det vel om maten er billig om den ikkje er råd å få tak i ?

Dei siste dagane viser at kortreist mat er viktig. Russland sperrar grensene for EU-mat. Folk over heile Europa ligg sjuke av eit E-coli utbrot som ingen veit kor kjem frå.
Kva hjelper det vel om maten er gratis, når me ikkje veit om me kan eta den?

Jeg er havren

Ta vare på bøndene våre! Her kan de lese om billig mat me kan importere:

Av Jeppe Aakjær

Jeg er havren. Jeg har bjeller på, 

mer enn tyve, tror jeg på hvert strå. 

Bonden kaller dem for mine fold. 

Gud velsigne ham, den bondeknoll




http://www.nationen.no/2011/05/24/nyheter/gris/kjott/kina/svindel/6650


341/

Dagens kviss: Kva heiter bonden som sette fyr på ein godt brukandes traktor?


For dei som ikkje har fått det med seg: Skuleungane som les bloggen har lagt inn klage. Klokka 08.45 er for knapp tid for dei. Dei går ut dørene då. Så me får sette kvissen til klokka 08.30 !!  Fekk alle dette med seg? ;)

Himmelspretten!

Førti dagar etter påskedagen kjem Kristi Himmelsfartsdag. Dagen er også kjent som himmelsprettdagen.  Denne dagen dukkar vanlegvis opp i mai. I år kjem dagen i juni.  Sist det var himmelsprett i juni, var i 2000, og 1943

Neste gong er i 2038  Ennå skjeldnare er det at den dukkar opp i april. Sist det skjedde var i 1818, og neste gong blir i 2285  Så, det får ikkje eg oppleve.

Me byrja å feire denne dagen ca 300  Det er etter Lukasevangeliet me feirar at Jesus for opp til himmelen. Dette er ein dag som ikkje har opphav i førkristen tid.

                        Mange kunstnarar har måla denne hendinga som disiplane var vitne til.

Fine søndagskulebilete.

Maria , mor hans, fekk og sin eigen himmelsprett, men det får ikkje me protestantar vite.

Disiplane iført hjelmar og Jesus i ei kule.

Denne pergamenten frå 585 viser himmelfarten i Rabbula- evangeliene.

Det er liksom ei kule rundt....

Var det ein slik farkost dei reiste i ?

Dagens kviss: Kven i bibelen reiste til himmels i noko som romforskarar meiner var ein UFO?

Kor blir det av rikskonsertane?

Inkvan har bestemt. Bestemt at me skal bli fattigare på kultur i bygde- Noreg. Regjeringa vil leggje ned rikskonsertane frå hausten 2012  Dei vil omdisponere midlane til ei tilskotsordning for bygde- Noreg. Rikskonsertane si leiing er usams med regjeringa i dette. Sjølvsagt er dei det. Det må vel alle vere.

Me veit jo at når regjeringa endrar på noko, er det aldri til det gode for bygde-Noreg.
- Dei tek fribeløpet på 75.000 frå uføre og gir dei 30.000 istaden.
- Dei legg ned skattekontora våre.
- Dei set opp svære høgspentliner slik at dei skal få meir straum til kontora sine.
- Dei lagar vegane smalare, eller gløymer at me treng vegar, for snart er det ingen att  i bygde-Noreg.

Kva blir vel bygdene utan rikskonsertane? Eg hadde vel aldri gått på ein konsert som vaksen om det ikkje var for rikskonsertane.  Der lærte eg å like konsertar av ulikt slag, klassisk og meir populær.

I min oppvekst hadde me tilgong til mykje kultur. Rikskonsertane reiste rundt. Det var riksutstillingar som klassane vitja. Eg hugsar ein mann som lærte oss korleis me skulle sjå når me teikna. Han forklarte også korleis me skulle unngå å teikne flate hovud. Takka vere riksutstillinga!

Me hadde ofte riksteater også. Eg såg mykje fint teater. Eg såg Ibsens "Peer Gynt."  Mor og far såg Beckett: "Mens vi venter på Godot."

To som ventar på Godot

Åse Kleveland hadde ein stilig autograf.

Eg helsa på Åse Kleveland og fekk autografen hennar etter konserten ho haldt. Eg hugsar henne i mørk lang kjole, gitar og den stemmen. Takka vere rikskonsertane!  Alle kjende musikarar på 70 og 80 talet var innom Sand.

Joanna MacGregor ei stor stjerne.

Etter at kulturhuset opna, har dei overtatt som konsertplass. Me har hatt mange flotte namn her. Eit høgdepunkt  var pianistinna Joanna MacGregor.  Ei oppleving som sat i lenge. Ho spelte seg frå Bach, gjennom gospel og heilt fram til tango.

Anniken Huitfeld

Eg skjønar ikkje kva Annikken Huitfeldt tenkjer på. Leggje ned rikskonsertane! Og det etter den storsatsinga som dei hadde med "Syng med oss" gjennom heile landet i 2007.  Så lite me visste. Det var vel avskjeden....

85 prosent av konsertane i fjor vart halde i grisgrendte strøk, frå Hammerfest i nord til Lyngdal i sør. 15 prosent i store byar. Dei store byane vil framleis ha eit publikumsgrunnlag til å halde konsertar. Det har ikkje dei små bygdene.  Dette skaper stor avstand mellom by og land. Kvar er distriktspolitikken til dei raud-grøne?

Me hadde aldri fått Mari Boine til å kome her utan gjennom rikskonserane. Trur de superbandet Kaizers Orchestra hadde vore her to gonger utan rikskonsertane.

Me har hatt eit breitt spekter av flotte nasjonale og internasjonale artistar i Suldal. Me vil framleis ha det. Me vil at ungane våre skal vekse opp og vite kva klassisk musikk er. Me vil høyre fin musikk i framtida også.

 Anniken Huitfeld, ikkje ta dette frå oss!

Sida til rikskonsertane:

http://www.rikskonsertene.no/

Dagens kviss:  Kven trekte seg frå eit styreverv på grunn av denne saka?