lørdag 19. mai 2012

Enig og tro til Dovre falder




"Enig og tro til Dovre falder" sa stortingsmennene i 1814 når dei laga grunnlova. Men nå står grunnlova den for fall. Det blir lagt fram eit forslag til grunnlovsendring. Denne har det vore jobba med i det stille sidan 2008  Nå er eit forslag lagt fram.

Kyrkjerådet var glade for endringa. Dei står framføre Stortinget og smiler. Dei skal få sjølvråderett. Nå skal dei få styre i eige hus. Ikkje lenger vere leiglending under krona, men sjølveigande kyrkjemenn.

Med dette blir ein tusenårig tradisjon broten.  Nå skal me ikkje bli fødd inn i eit kristent land. Me skal bli fødd inn i eit land utan styring på trua si.


Me skjelv som dei skalv når kristenmenene kom og velta gamla gudehov. Åsatrufolket trøsta seg med at dei var sterke i trua. Og trua deira skulle stå ved lag. "Me er sterke i trua", sa dei.
1000 år etter, er Odin og Tor kjekke eventyr å høyre om.

Me skjelv slik den katolske kyrkja skalv når Christian lll  trumfa gjennom at Luther sin versjon av kristendommen skulle råde i Danmark- Noreg.  Dei trøysta seg med at "Me er sterke i trua". Etter at dei siste katolske prestane døydde, vart det slutt på messer.

Nå skal kristendommen raderast ut or grunnlova. Kyrkjas menn er fortrøystningsfulle og seier me er glade for endringane. Det gir oss sjølvstyre og "Me er sterke i trua"
Kva sier folk om eit par hundre år?

Kongen vår har sagt sitt i 2008 Han brukte vetoretten sin. Sikkert for første gong. Han skal ikkje lenger forsvare den kristne trua. Han kan vel ikkje bruke vetoretten fleire gonger, ellers går det med han som Oscar ll  Om ein nektar tre gonger, går det ein ille. Det har me også døme på frå Bibelen.

Les om grunnlovsendringa nedanfor. Er du uenig i forslaget om å endra grunnlova, kan du signere på oppropet. Er du enig, så kan du vente på at den neste religiøse bølga kjem. Den kjem! Slik har det alltid vore og slik vil det alltid vera. Om du tvilar, sjekk sogene.

Det er allereie eit forslag om at sharia lovane skal gjelde i Noreg. Det er om å gjere å vere sterke i si tru, for tru gjer me alle, på ein eller annan måte.


Gå inn her så kan de lese om lovforslaget og signere om du er uenig i endringa. Skund deg:
http://www.underskrift.no/vis.asp?Kampanje=3920

fredag 18. mai 2012

Politiet slår seg saman, igjen!

Når justisdepartementet talar, er det noko som blir større. Det er areala. Politiet sitt areal. Politiet får stadig større område å vakta. Det er ikkje lenge sidan dei slo saman fleire politidistrikt. Med det resultatet her inne i fjorden at politiet alltid er sist på plass. Ofte når alle andre har gått heim

Nå kjem dei med nye forslag. Landets 27 politidistrikt skal bli til 18  Du verden, kvifor ikkje like godt legge ned?  Framstegspartiet vil gå ennå lenger. Dei går inn for rundt 5 distrikt.  Dette er akkurat som helsereforma. Kven har den vore til gode for? Iallefall ikkje kundene den skal vere til for.


Framtidas politi.  Kinderegg, tre i eitt; Kontor, kvilerom og utrykkingskøyretøy. 

For oss i Rogaland vil det bety at det blir eit politidistrikt. Rogaland og Haugaland politidistrikt. Det blir store områder å farta i. Spesielt med tanke på ferjer og dårlege vegar. Dei er berre nøydde til å bli sist på staden.  50 minutts utrykkingstid har vore ok etter samanslåinga av Haugaland og Sunnhordland politidistrikt. Kva kan me då tru det blir nå?


Politiet i farta frå vakthelg i Hå til utrykning på Sand? 

Politidirektoratet meiner færre og meir bærekraftige distrikter er nødvendig for å håndtere fremtidas  utfordringar. Synspunktet deles langt på vei av dei fremste justispolitikerane.

Aps Jan Bøhler trekker fram betydningen av å ha gode økokrim-team og eningar som kan kjempe mot organisert kriminalitet og datakriminalitet i distriktene.
Det vil vel sei at politiane skal sitte på kontoret og fange opp tilståingar på You Tube, og berre rykke ut om dei har lagt ut adressa også. Så får resten av oss klare seg som best...


http://www.aftenbladet.no/nyheter/innenriks/Vil-sla-sammen-Rogaland-og-Haugaland-2969718.html#.T6lRg-t7pCg

torsdag 17. mai 2012

Hurra for 17. mai!


  I dag er dagen me har venta på, både store og små. Me har vaska og stroke skjorter og flagg, sett over dei krympande bunadar og gjort alt klart for den store dagen.

P1010019

I dag er dagen for bunadar. Sjå godt på alle dei bunadkledde jenter og damer. Det er mange kjærlege sting bak kvar og ei bunad.


 P1010039
                           I dag er det pølser, brus og is. Og for nokre heldige, som eg, kake.


P1010042
Jentene klar for 17. mai. Qi-Qi  med bunaden forsvann ut or bilete. Me ser såvidt snurten av henne nederst i bilete.


 P1010046
Tru kva oransjerussen har å sei oss dette året? Dette er frå eit tidlegare år.



        P1010047 P1010050
             Heldigvis blir det lyd i toget i år også. Her ser me musikantane i fjor.



P1010055

I fjor var dotter nummer 3 medlem av 17. mai komiteen. Ikkje verst å gå fremst i toget i så ung alder. Det er smart av 17. mai komiteen å rekruttere unge. Så får dei meir stolthet over å vere med å bidra til at me alle får ein fin dag.


                                Berre nokre få år sidan, men kan me kjenne dei att i år?



                       Som de ser, er stort og smått i hønsegarden klar for den store dagen.



Ha ein fin nasjonaldag alle saman!

onsdag 16. mai 2012

Takk og lov for musikken

I fjor skreiv eg på bloggen min om 17. mai på Sand. Me bur på ein liten stad, men likar å markere dagen. Ein viktig del av 17. mai er musikkorpset. Utan tonefølge blir toga vel tamme. Me hadde korps med eit naudskrik i fjor. Etter 17. mai var det lite korpsing.

Det har sett mørkt ut for fin lyd i 17. mai- toget i år. Men då korpsgeneralen kalla inn til første samling for 17. mai - korpset, kom det 10 stykk. Seinare kom tre etternølarar til, og dermed blir det korps i år også. Hurra!

Hurra for dei som gjer slik ein stor innsats for å gleda andre. Dei har lært at største gleder får ein når ein gledar andre:
     
Den største gleda ein kan ha,
det er å gjera andre glad;
og vil du gjerne lukka nå,
då først deg sjølv du gløyma må.

Og vil du sanka gods og gull,
du aldri får din bankboks full;
du må ha meir, får aldri ro;
eit hundre først – og sidan to.

Nei, gjer deg nøgd med det du har,
og prøv å gjera andre glad;
turk tårer bort der du dei ser,
og gjer det lyst der mørkt det er.


                                 Her er dei som reddar nasjonaldagen for alle på Sand.

Ha ein fin dag i morgon alle saman.  Og hugs å smile fint, og takke dei som gir oss musikk til dagen.

tirsdag 15. mai 2012

Hurra for familien

Familie er godt å ha. Det er trygt og godt å sei ordet "familien min". Det er fundamentet me står på. Familien kan vere ei pest og ei plage, men den står samla mot verda. Ei trygg havn. Så viktig er familien at FN har bestemt at me skal ha ein internasjonal familiedag. Det er i dag.

 Storfamilien

15. mai er den internasjonale familiedagen. For det er ikkje sjølvsagt å ha familie. Mange har mista sin. Andre har aldri hatt familie. Nokre veks opp i feil familie.

SOS barnebyar har laga ein rapport om familien. Rapporten viser at familien er under press.Stadig fleire born opplever omsorgssvikt. Stadig fleire veks opp åleine. Det er omlag 153 millionar  foreldrelause born i verda. I tillegg opplever millionar omsorgsvikt, rus, vold og misbruk i eigen familie. I Noreg står born i kø for å få fosterheimsplass


Familien min

FN oppfordrar styresmakter, organisajonar, skular og oss alle om å markere dagen slik at me kan lære om familien sine funksjonar, problem og behov. Dette for å styrke familien som den beste staden for born å vekse opp.

SOS barnebyar har bygd barnebyar rundt om i verda for å hjelpe. Dei treng framleis fleire fadderar. Du kan markere dagen med å bli SOS fadder.

Dei fleste organisasjonane vil markere familiedagen på ymse vis. Det kan me gjere og. Me kan skape kvardagsmagi: Gjer noko saman med familien vår. Det treng ikkje vere noko anna enn å spele eit spel, gå på tur, eller steike pannekaker i lag.


Støtt SOS-barnebyer ved å bli fadder for en hel barneby. Foto: Ivaün-Hidalgo

Bli fadder. Gå inn her, eller ring 02210 På nettsida kan du klikke rett på knappen: bli fadder.
http://www.sos-barnebyer.no/

mandag 14. mai 2012

Hekkan

Eg hadde ein gong ein hekk. Ja inntil nyleg hadde eg ein kjempehekk. Det var eit hekkan, for den tok halve hagen. Den var nydelig i sin fulle flor. Men det var berre eit par veker i året. Resten av året var det lite med den. Eg skar den ned for tre år sidan. Då sette den i å veksa. Den voks både meg og plenen over hovudet. 

Men det kom det ingen blomar, for den blømer visst på toårsgreiner. Den voks som ein bønnestengel.  Den blei så stor at den fekk midtskill når det regna. Og i fjor fekk den permanent midtskill. 

=
Nydelig i sin blomsterprakt. Men lite med resten av året. Fordelen var at eg kunne gjere mest kva eg ville i hagen utan at nokon såg det.


Ei fine unge jente kunne skjule seg bak den blomstrande hekken.


Så tok inkvan affære. Eg ville ha hekken trimma slik at den kunne veksa seg fin og tett .  Då eg kom frå bytur var hekken vekke...


Hekkan, ei plage både med og uten. Det blei noko glåpe



Kva skal turtelduene mine gjere nå? Nå kan dei ikkje henge og slenge i hammocken utan innsyn. Alle kan sjå om eg fuskar i Krokket-turneringa.. Eg trur eg tregar. Kan me lima den på att?


søndag 13. mai 2012

Rehab friluftsliv


Eg har allereie fortald eg har vore rehabilitert, i øydemarka på Toten. Me måtte ha noko å henge fingrane i. Det var ikkje nok med eting, soving og trening. Me måtte luftast også. På rehabilitering skal me ut på tur, utan å vere sur. Me blir friske i friluft, etc. Så kvar dag var det eit eller anna som føregjekk ute.


Me gjekk og gjekk...


Så kom me til Steffenssrud sitt eige paradis.  Her gjekk me på tur og hadde kaffi og mat. Her hadde me utedag med diverse aktivitetar,  Her hadde me også juleverksted.


Inne i lavvoen var det ei stort oppmura grue. Her steikte me vafler på gamlemåten.



Dei som ikkje har smaka bålvafler, har gått glipp av mykje. Det var ein himmelsk smak. Dei var litt harde utanpå, med eit hint av bål og brake, mens inni smaka dei vafler. Dette må de prøve.




Slik vart det gjort. 



Bålkaffi smakar ekstra godt. Sjå dusken i tuten på kjelen. Den er der for å hindre gruten i å følge med. Totningane hadde ikkje tid til å vente til gruten sokk ned i kjelen.




Bålplass ute. Kjempegildt.  På vedalaet i bakgrunnen tok eg never som eg laga fine neverhjarter av. Laga på arbeidsstova, sjølvsagt.



Eg og mi gode venninne Annemor frå Ørje

lørdag 12. mai 2012

Kunstsvindel?

Aftenbladet nett har ein artikkel til advarsel for oss naive nordmenn. Dei israelske kunststudentane er tilbake! Dei kjem på dørene, og sel eksklusiv kunst. Folk føler seg lurte når det går opp for dei at kunsten til kr. 20 000 er null verdt. Då lurer eg på; Trur inkvan at kunstnerar som sel arbeida sine for kr 20 000 går rundt på dørene?


                           
          Dette skal vere eit kunstverk til kr. 20 000, og er særs eksklusiv. (foto aftenbladet)




 Eg har tydelegvis kunst til kr 20 000 i heimen. Målaren heiter Sue. Eg må vurdere ein betre alarm.

Dei israelske studentane har vore i Bulgaria også. Dei går rundt om på det norske Bulgaria. Nordmenn og russerar kjøper villig kunst til å dekorere sine hyttevegger. 


Her er studenten som selde kunsten. Ho hadde ikkje måla dei, og ho sa ho ikkje visste kven kunstnarane var. Bileta måla dei for å finansiere utdanninga, så dermed er det lett å skjøne at dette er masseprodusert 

Studenten var rektig koselig. Me diskutert midtøstenpolitikk og mykje anna. Ho måtte jammen jobbe for pengane hjå oss. Me forhandla oss til ein pris, så viste det seg at ho ikkje kunne tal, så me vasa lenge i omrekningane. Bildene enda litt høgare enn eg hadde tenkt, men ikkje i nærleiken av det folk må gi i Noreg. Så vil de kjøpe kunst på dørene, kjøp i utlandet.


Kjenner inkvan igjen kunsten sin?

Ho hadde også ein rammeforhandlar ho kunne anbefale, og som var veldig billig. Eg takka for det, tok visittkortet og kasta det i søpla når ho gjekk.


Les og lær:
http://www.aftenbladet.no/nyheter/lokalt/stavanger/Kunstsvindlerne-er-tilbake-2969465.html#.T6jIpOtzp6M

fredag 11. mai 2012

Sigrid Lagarhus til minne


Det blir hausta i bygda. Oftare enn ein likar kjem eit dødsbodskap. Denne gongen var det Sigrid Lagarhus sin død som vart varsla. Eit langt liv var over.

Sigrid var så rolig og mild. Ho gjorde ikkje mykje av seg, men eg hugsar så godt det fine smilet hennar og dei stille kommentarane. Me treftes i bygdelag gjennom mange år.

Sigrid Lagarhus var fødd i 1925. Ho kom fra Hellvik i Egersund og heitte Sæland før ho vart gift.

At ho kom til Sand var ein tilfeldighet, eller me kan sei krigen var årsaken. Sigrid og ei venninne arbeidde på Sparekassens Aldershjem i Stavanger. Dei hadde vel aldri tenkt seg til Sand. Men så kom krigen og dei gamle måtte evakuerast. Dei evakuerte til Sand der dei losjerte på pensjonatet i Nordenden.

Dei unge fine jentene fekk ikkje gå i fred lenge. Dei fekk seg kjærestar, og Sigrid blei verande. Ho gifta seg med Knut Lagarhus og flytte inn på Brakahauen. Sigrid og Knut fekk to søner, og dreiv garden godt. Knut fekk kjøpt meir jord og garden dobla seg. Så vart Knut vart sjuk og Sigrid vart åleine med to små søner. Ho pakta vekk gardsdrifta. Midt på 70- talet mista dei halve garden i ekspropieringa av Garaneset. Den finaste  molda på Sand vart industriområde.

Sjølv om motgong og strev prega livet hennar, merka me aldri noko til det. Det var så godt å stå i lyset hennar og varma seg på smilet.

Mor og Sigrid kjende kvarandre og var ilag slik koner i bygda var. Så møttes dei på same rom på sjukehuset. Begge hadde vore, og var sjuke. Der fann dei kvarandre att.  Dei hadde det gildt, og begge lurte på kvifor dei ikkje hadde funne kvarandre oftare. Når eg kom inn på rommet deira var det ein fin lys stemning som straumde mot meg. Ein stemning av to damer som kosa seg i lag.

I dag skal me følgje Sigrid Lagarhus til grava. Eg lyser fred over minnet hennar.

torsdag 10. mai 2012

Annerledeslandet

Me lever i ei rettsak for tida. Det pregar livet vårt anten me likar det, eller ikkje. Korleis me reagerer på dette er interessant for andre. Psykiatarar frå prestisjetunge universitet i USA er i Noreg for å studere den norske folkesjela. Dei er imponert over vår stoiske, heroiske og kjærlege motstand. Me lar oss ikkje knekke.


Annerledeslandet Noreg

Desse utanlandske spesialistane  samanliknar vår "22.7" med deira "9.11"
I USA var det meir raseri, sinne og opptøyer. ABB reiv oss ut av svevnen. Me bråvakna. Men me reagerte annleis enn andre. Kvifor me gjer det, skal desse ekspertane finne ut.

ABB kjempar for sitt mentale liv på same måte som Rudolf Hess gjorde i Nurnberg 1945  ABB tok opp eit viktig moment i retten; Han spør :"ville ein muslim fått oppnevnt rettspsykiaterar"? Det får meg til å tenkje; Han er ein av oss. Ein pen ung mann, lyshåra,  frå beste vestkant. Er det derfor det er så mykje styr om han?  Han er terrorist. Korleis har det seg at me reagerer slik me gjer? Er me av eit anna folkeslag enn resten av verda?


"Me ser ingen kamp-rop, kun roser. Hans rettighet er udiskutert.  Dommaren handhelsa på han " uttalar ekspertane undrande. Ein blir stolt av av å høyre høgt profilerte psykiaterar, patologar, etc, frå USA beundra oss.

Me viser ikkje brutale og blodige bileter av offera.  Me markerer nøytralt på ei dokke korleis ungdommane vart drept. Så blir det vist bilete av dei flotte unge saman med eit minneord som fortel oss om dei. Slik hyllar me dei, og livet, og lar ikkje grusomheten slå rot i hjarta vårt.

Mens USA krev gjerningsmenn sitt hovud på eit fat, kva gje me?  Jo me syng. Me syng ondskapen på dør. Me syng: "Barn av regnbuen".

40 000 menneske song denne songen  i Oslo, i  det som må vere verdas største kor. Folk i alle byar i Noreg song på same tid same song:

Men si det til alle barna,
og si det til hver far og mor;
Dette er vår siste sjanse
til å dele et håp og en jord.

Brukeropplastet bilde

 En himmel full av stjerner. Nettopp denne songen meinte ABB har hjernevaska det norske folk  Han fekk rask reaksjon. Heile Noreg song denne songen i protest mot den grufulle handlinga 22. juli.Då er det godt  bu i Annerledeslandet.

http://www.youtube.com/watch?v=llLb_2hAfd0