Me har det på Sand!

Som alle store byar med respekt for seg sjølv har Sand ei julekrybbe.  Då meiner eg byar av stor  størrelse som dei store tyske byane. Reis rundt i Noreg og sjå kor mange julekrybber de ser som står ute . Eg trur ikkje det er så mange, men av dei få… så står ei på strandstaden.

Julekrybba er i to variantar. Når julegata opnar første søndag i advent ser me Josef, ei høgravid Maria og eselet på veg til Betlehem. 
-Det skjedde i dei dagar at det gjekk ut befaling frå  keisar Augustus at heile verda skulle skrivast inn i manntal.  Josef drog frå Nasaret til Betlehem då han var av Davids hus og ætt. Maria, festarmøya hans, var med han. Ho var då med barn…..

Andre søndag i advent får me eit nytt tablå. Jesusbarnet er fødd, svøpt  og lagt i ei krybbe. - Ho fødte sin son, den førstefødde, svøpte han  og la han i ei krybbe. For det var ikkje rom for dei i herberget.
Hyrdane på marken kjem for å sjå og dei vise menn kjem med gull, røkelse og  myrra .
-Frykt ikkje. Eg kjem til dykk med bod om stor glede for heile folket. I dag er det født ein frelsar i Davids by.

Denne nydelige julekrybba er skoren ut av Magnus Overskeid og gir glede og påminning om ei hending i Betlehem for 2000 år sidan.

 


Dagens kviss: Kven var det i desse dagar som ikkje visste kor jesusbarnet var fødd?